Ju dua për All-llah

Ju dua për All-llah



<BLOCKQUOTE class="postcontent restore ">Një poezi në forme klipi dedikuar motrave të mia në islam”

Një vend të vogël!

Më ler të jem vetëm një pikë vese

Në trëndafilin tënd

Një yll i vockël i shëndritshëm lart

Në tëndin qiell pakënd

Një lule e brishtë

Në lendinat e Tua madhështore O Zot

Një grimcë e vogël kripe

Që të lundroj në dete e oqeane me not

Le të jem unë

Pjesë e flladit tënd mëngjesor

Ose, jo më mirë të jem

Uji i ftohtë i krojit përrallor

Ngjyrat e magjishme

Që i fal çdo agimi dielli

Apo edhe hëna bukuroshe që mbart çdo natë mbi supe qielli

Le të jem çdo gjë

Vetëm të jem pjesë

E Xhennetit Tënd

Le të jem atje

Një pikë vese

Një fllad

Apo yll në qiellin pa kënd

S’ka rëndësi O Zoti Im aspak çfarë do të jem

Mjafton që në Xhenetin Tënd Madhështor

Mjafton që në Xhenetin Tënd Madhështor

Një vend të vogël ta kem

Me dëshirën dhe shpresën për tu takuar një ditë atje…

Dua t’ju them se më ka marrë shumë malli dhe ju dua të gjitha fort

Le ta kujtojmë njëra tjetrën në duatë e tona</BLOCKQUOTE>